Ffeithiau am Anhwylder Gorbryder
Trosolwg
Mae'r adran hon yn rhoi gwybodaeth ynghylch anhwylderau gorbryder, sut maen nhw'n cael eu diagnosio, achosion posib a ffyrdd o gael triniaeth. Gall fod o help i ofalwyr, ffrindiau neu aelodau teulu rhywun sydd ag anhwylder gorbryder.
- Gall gorbryder wneud ichi deimlo'n llawn gofid neu ofn.
- Gall gorbryder achosi symptomau corfforol, megis curiad calon cyflym neu chwysu.
- Mae teimlo'n orbryderus yn ymateb naturiol mewn rhai sefyllfaoedd. Efallai fod gennych chi anhwylder gorbryder os ydych chi'n teimlo'n orbryderus drwy'r amser neu'r rhan fwyaf o'r amser.
- Mae'n bosib dod dros anhwylderau gorbryder. Mae triniaeth a chefnogaeth ar gael ichi.
- Gall eich meddyg gynnig triniaeth ichi. Bydd yr union driniaeth a gewch yn dibynnu ar eich symptomau a pha mor ddifrifol ydyn nhw.
"Mae mynd i gysgu a chodi yn y bore yn anodd i mi. Mae gen i deimlad cyson o ofn mawr sy'n anodd ei anwybyddu. Dydy fy meddwl i byth yn diffodd. Mae'n flinedig ofnadwy. Daeth pethau fel mynd i'r gwaith a gwneud y siopa bwyd wythnosol mor anodd nes mi benderfynu siarad gyda fy meddyg teulu. Dwi'n aros i gael therapi siarad nawr."
Stori Alison
